عاوز سخان غاز ماركة محترمة وديجيتال (يكفى لإستعمال حمام + مطبخ) لأسرة 5 أفراد
إيه ترشيحاتكم وأى معلومات أو صور أو تليفونات أو أى حاجة
عرض للطباعة
عاوز سخان غاز ماركة محترمة وديجيتال (يكفى لإستعمال حمام + مطبخ) لأسرة 5 أفراد
إيه ترشيحاتكم وأى معلومات أو صور أو تليفونات أو أى حاجة
يانهار ابيض
الناس عاوزه تركب سخان غاز فى العربية ؟
ويكفى مطبخ وحمام
بس الله ماشاء الله واضح ان عندك كارفان مش ملاكى
خليك فى اليونيفرسال الغاز 10 لتر هيبقي معقول للحمام والمطبخ هو عامل دلوقتى حوالى 800 وشوية مش عارف بالظبط تمنه كام ودى صورة ليه http://moshax.com/classifieds/screen..._51_31_437.jpg
راي الخاص كلهم واحد قارن بين الاسعار فقط
السلام عليكم ورحمة الله وبركاته
اخى الكريم اسأل فى اقرب محلات اجهزة كهربائية ليك عن سخان غاز المصانع الحربية
أنا و والدي عندنا يونيفيرسال و بصراحة عايزين نرميه في الزبالة :(
ان مركب كريازى 10 لتر بسس جامد جدا انا مركبه من سنتين والحمد لله تمام لغاية دلوقتى مفهوش اى مشاكل
بس عيبه حاجه واحده او العيب فيا انا لانى بحب الميه تبقى دافيه شويه فى الصيف بس السخان بيدينى ميه بتبقى حرارتها عاليه شويه مهما وطيته وده بيتهيالى عشان حجمه كبير فالنار بتبقى كتير عليه بتهيألى لو جبت سخان كريازى 5 لتر هيبقى كويس
على فكره مبتفرقش مع السخان الغاز عدد افراد العيله لانه مبيخزنش ميه اصلا الميه بتمر فى السربنتينه بتاعت السخان فبتسخن الميه
انا بصراحه ندمت انى جبته 10 لتر عشان حاسس انى لو جبت 5 لتر مكنش هيفرق فى حاجه واوفر تمنه واجيب بالفرق انبوبه لان ناس نصحونى بالـ 5 لتر مع انهم عيله مكونه من 6 افراد وقالولى السخان الـ5 اللى عندنا (مغرقنا ميه سخنه)
ده راىى واللى خلانى اجيب الكريازى عشان كنت سامع الضمان بتاعه كويس وعربيات الصيانه بتروح اى مكان بس السخان والحمد لله مفيهوش اى مشاكل حتى الان
شوف اراء الناس بالنسبه للـ 5لتر وقرر انت
على فكره الكريازى كله ديجيتال ال 5و10 لتر
وعلى فكره بردوا المفروض مع السخان ال 10 لتر يتعمله مدخنه تطلع بره البيت دى وسيلة امان عشان تطلع اى روايح بره عشان لو الحمام صغير بس انا مش مركب عندى لان الحمام عندى كبير ومشمتش اى روايح من السخان حتى الان
وربنا يوفقك
الأنواع النظيفة فعلا وجامده
فيه نوع الماني موجود في شركة الصياد في نص البلد فيه كل حاجه بس بــ 1700 جنيه
نصيحة لو مش هتفرق معاك الفلوس هاته لن الانواع المصري رديئة فعلا وتشغيلها زفت
هو ايه علاقة السخانات بالمنتدي العام للسيارات
رجاء مراعاة اماكن فتح الموضوعات للحرص على التخصص
فيه علاقة طبعاً
رجل سويسري يثبت موقد نار في سيارته:
http://img99.imageshack.us/img99/3/pb1201.jpg
للمزيد شاهد هذا الموضوع
http://www.nilemotors.net/Nile/248610-o-oo-oo-o-31.html
مشاركة رقم 303
انا عندى وايت ويل والحمد لله شغال ذى الفل
باشكر كل اللى ساهم بالمشاركة
وأبعث باعتذار مخصوص لكبيرنا الأستاذ : كريم منير وباقوله أنا راجل قديم معاكو وعارف القوانين كويس بس الغلطة دى تهنيجة من الكمبيوتر فتحت مكان تانى غير اللى كنت ناوى أحط الموضوع فيه وماعرفتش أتراجع عنه ...فأكررأسفى
اريستون ايطالى و انسى المشاكل
سمعت ان فيه سخانات غاز توشيبا مستورده فى الاسواق الحرة كويسه من احد السباكين فممكن حضرتك تسال عليها كدا
متجيبش الايديال و خصوصا ال 5 لتر
خدمه عملاء تراش لو مؤاخذه
انا كمان عايز سخان غاز فى الحمام, مش عارف اجيبة 5 لتر ولا 10 لتر؟؟؟ برجاء الافاده و لكم جزيل الشكر
هو الغاز تفرق في ايه 5 ولا 10 لتر يعني الليتر هنا ايه لازمتته مع السخان الغاز عشان انا بده هجيب غاز عشان عندي غاز في الشقه
فى سخان تحفة وانا كنت عايز أجيبه قبل ماتجوز من 3 سنيين.... وهوا بناسونيك يابانى.. من شركة مصر حلوان اللى هما توكيل بناسونيك.. اتصل بيهم وشوفه موجوددلوقتى ولا لأ... من 3 سنيين كان عامل 1500... وحاليآ انا عندى يونيفرسال 10 لتر.. ونفسى اولع فيه
طيب يا جماعه الناس اللي عماله تقول عندي سخان كذا وعاوز اولع فيه ما بقولوش ايه السبب انم عاوزين يولعو فيه ؟!!
شوف حضرتك انا ليه اكثر من شهر دايخ فى النت والمنتديات وجميع اصدقائى والمعارف والاقارب اللى مركبين سخانات غاز علشان اختار سخان محترم. 90% من اللى اعرفهم عندهم يونيفرسال واكثرهم يعانى من انطفاء السخان بسبب ضعف المياه . ولكن الجميع اوصوا به تقريبا. وان غير مقتنع بنسبة 100% لغاية ما جاءت شركة الغاز واعطونى مهلة شهرين لتركيب السخان والا............................ سألتهم ايه احسن حاجه قالولى تكنوجاز ويونيفرسال، استغربت جدا من موضوع تكنوجاز لان محدش شكر فيه خالص، المهم قررت اشترى يونيفرسال ب 700 جنيه من اسوان.
ذهبت الى البائع وسألته مرة اخرى للتأكيد وطمأنة نفسى، ايه احسن سخان غاز عندك؟ قاللى عندى كل الانواع وفعلا بلا مبالغة سمعت اكثر من 7 او 8 ماركات. وكررت السؤال فرد قائلا ارستون بالتأكيد وسعره يزيد 200 جنيه عن يونيفرسال وده ايطالى مستورد بالكامل صناعة وتقفيل وخامات.
قلت له ليه بتوع شركةالغاز بيقولوا تكنوجاز ويونيفرسال قاللى لانهم متفقين مع الشركتين وبياخدوا عمولة على كل سخان بيركبوه، كلمت احد اقربائى فى سوهاج وقلت سوهاج تختلف عن اسوان فاكد لى انهم ذكروا له نفس النوعين تكنوجاز ويونيفرسال وبنفس الترتيب، احتمال تكون عمولة تكنوجاز اكبر من يونيفرسال.
المهم وانا جالس قلت للبائع عايز اشوفه وافتحه فوجدت السخان قريب جدا من السخانات اليابانيه الرائعة التى كنت استخدمها باليابان اثناء اقامتى لان بها 3 مفاتيح منفصلة تماما عن بعضها البعض للتحكم، المفتاح الاول خاص بالتحكم صيفا او شتاء، المفتاح الثانى مخصوص للتحكم فى كمية المياه، المفتاح الثالث خاص بكميه الغاز.
اما سخان يونيفرسال فيحتوى على مفتاح داخل مفتاح للتحكم فى كمية الغاز والمياه وحسيت ان لفة المفتاح الداخلى والخارجى مش كبيرة مما يعنى ان التحكم لن يكون دقيقا.
اخيرا وجدت بالكتالوجات ان يونيفرسال يعمل حتى ضغط مياه 0.3 بار اما اريستون 0.25 بار مما يعنى ان احتمالية انطفاء السخان اريستون بسبب ضغط الماء اقل منها فى حالة يونيفرسال.
نازل اشترى يونيفرسال فدفعت 200 جنيه زيادة واشتريت اريستون وفى انتظار تجربته بمجرد توصيل الغاز الطبيعى.
تكلمت بالتفصيل لانى كنت نفسى حد يقوللى تجربته الشخصية قبل الشراء.
وجدت مواصفات السخان الاريستون على النت
سخان أريستون الغاز من طراز 6 لتر و 10 لتر .انا اريد شراء اثنين سخان لكن ايضا مش قادر على الاختيار
مميزات الجهاز
1. جميع الموديلات مزودة بمجمع عادم لتركيب المدخنة .
2. وجود المدخنة بالسخان 6 لتر يسمح بتركيبة فى الحمام دون أعتراض من شركة الغاز .
3. مصمم للعمل على أقل ضغط للمياة .
4. جميع الموديلات تعمل أوتوماتيكيآ بمجرد فتح المياة .
5. مزود بمفتاح للتحكم فى درجة الحرارة .
6. مزود بمفتاح للتحكم فى كمية المياه المتدفقة .
7. مزود بمفتاح لأختيار الموسم (صيف أو شتاء) لتوفير الطاقة .
8. مزود بثلاث وسائل أمان مختلفة .
9. مزود بلمبة بيان ومفتاح أمان ضدد عبث الأطفال .
10. مصنع من أجود الخامات العالمية (صناعة ايطالية) .
11. ضمان عام على الجهاز بالكامل .
12. يمكنك طلبة مجهزآ للعمل على الغاز الطبيعى أو الأنبوبة
13. أبعاد الجهاز :
14. 6 لتر / 44 * 30 * 15.2 سم
15. 10 لتر / 55 * 33 * 19.7 سم
16. ـــــــــــــــــــــــــ ـــــــــــــــــــــــــ ــــــــــــــــــ
17. 950 جنية ل6 لتر .
18. 1150 جنية ل 10 لتر
تمام
انا اتصلت باريستون
الاول توكيل اريستون هو بى تك ما عدا السخان الغاز مع شركة تانية
فيه مصرى وفيه مستورد
وباين انه مش شركة كبيرة
تفرق فى ان ممكن بعد فترة تلاقى مفيش توكيل او قطع غيار
الاسعار حاضر بس بعد العمل لانها فى المنزل
اذا كان هذا التفكير كذلك فانصحك بسخان المصانع فانه لدى منذ سنه 1988 فقط كل سنه اغير له الجلبه
انا مشكلتى تتمثل فى اننى اخذت شقه جديده بها ثلاثه حمامات منفصلين عن بعض وارتفاع السقف قبل تركيب السيراميك 2.80 سم ولا اريد التكسير فى الكمر - وارتفاع سخان المصانع 65 سم وطبقا لشركه الغاز لايقل ارتفاع المدخنه عن 60سم
أواجه مشكله مثل مشكلتك فلدي سخان فالينت 10 لتر مركب علي انبوبة ومدخنة مرمة مباشرة فوق الفتحة والان الغاز الطبيعي تم عمل توصيلاته ولا استطتيع تركيب المدخنة لنفي سببك الكمر ضخم ولا يمكن كسره بالاضافة للسراميك ولدية بيت نور في الحماك مخطي جزء تحت الكمر والسخان ارتفاعه 63 سم ولا يمكن خفضه اكتر من 20 سم والمسافة بعد انزاله غير كافية لل 60 سم بتاعة المدخنة ، تنصح بايه ، لحد دلوقتي بفكر اركب سخان 6 لتر يونيفرسال واخلص اهو هيبقي اقصر ويوفر المسافة المطلوبة تقريبا 44 سم ارتفاع السخان ، افتيني يا مالك :)
بلاش السامسونج عموما في السخانات لما له من كوارث واضحة
تكنو جاز ولا يونيون اير
آخر كلام أجيب ايه فى السخانات
الأريستون اتسحب من السوق لأنو مستورد والبلد قفلت الاستيراد
أجيب ايه رأيكو يهمنى موجود يونيفرسال ويونيون اير وكريازى واوليمبك والمصنع الحربى و نوع اسمو فيجور
حد يعرف ايه أفضل نوع فى اللى قولتهم دول
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟